بعد خروجه من السجن مؤخرا، كتب الناشط الفبرايري ومغني الراب معاد بلغوات المعروف بـ" الحاقد" عن اعتقال زميله الرابور عثمان المعروف بـ’’ميستر كريزي‘‘ عن اغنية عنونها "عقلية محبسة / Mr crazy" تتحدث الشرميل وتناول المخدرات في الاحياء الشعبية بالدار البيضاء. واليكم نص الخطاب الموجه للمسؤولين و الاطارات الحقوقية تضامنا مع الرابور رغم اختلافه معه عن المواضيع التي يغني عليها عثمان:

شاب فالبداية ديالو بسبب الأغنية الثالثة له " عقلية محبسة " في مشواره الفني، أغنية تتطرق لموضوع التشرميل وأرفقها بفيديو كليب يجسد فيه صور من الواقع اليومي "السرقة بالسلاح الأبيض وتعاطي المخدرات ..." .

ولكن لي مبغاش يتفهم ليا هو كيفاش يمكن لينا نحاكموا الإنسان على الإبداع واخا نكونو مكنتافقوش معاه ... معرفتش كيفاش كيفكرو هاد ناس ... على هاد لحساب خاصنا نحاكمو حتا هادوك لمخرجين لي دارو أفلام مغربية فيها لقتيلة والدعارة والتجارة فالمخدرات ... أنحاكمو بزاااف ديال الصحفيين لي حتا هوما كيوصفو الجرائم فالمقالات ديالهم .. أنحاكمو أي كاتب ولا ممثل ولا مغني وصف لينا الواقع الموسخ ديالنا ....

عثمان أو ’’ميستر كريزي‘‘ كيف كسمي راسو نقدرو منتافقوش معاه فهاداك شي لي كان كيدير ولكن واخا هوكداك كيبقا فنان خاصو يكون حدا والديه أصحابو ماشي فالحبس كيقرا الإجرام ،،، أفبلاصت منشدو عثمان حينت دار فيديو كليب كيبين فيه الواقع ديال بزاف المراهقين ( المشرملين ) فالأحياء الشعبية لي كيتعاطاو المخدرات ... نمشيو نشدو هادوك لي كانو سباب حتى ولى الشباب المغربي بحال هوكدا ..